Viðbragðsáætlun þessi segir fyrir um skipulag og stjórn aðgerða í Barnaskólanum í Reykjavík, Nauthóslvegi 87, 101 Reykjavík í samræmi við áætlun Almannavarna um viðbrögð við heimsfaraldri.

Markmið viðbragðsáætlana skóla eru að tryggja skipulögð og samræmd viðbrögð allra skólastofnana sem og starfsmanna þeirra þegar til heimsfaraldurs kemur.

Við gerð áætlunarinnar er meðal annars stuðst við lög um almannavarnir nr. 82/2008 og lög um sóttvarnir nr. 19/1997.

Áætlunin er í samræmi við Landsáætlun vegna heimsfaraldurs/Viðbragðsáætlun Almannavarna. Fyrri útgáfa þeirrar áætlunar bar heitið Landsáætlun vegna heimsfaraldurs inflúensu og hefur hlutverk hennar nú verið víkkað og nær yfir heimsfaraldra veikinda af hvaða toga sem er.

Viðbragðsáætlanir skóla hafa samræmda uppbyggingu. Kaflar 2, 3, 4 og 7 eru sameiginlegir og geyma almennar upplýsingar frá menntamálaráðuneyti, almannavarnadeild ríkislögreglustjóra og embætti sóttvarnalæknis. Aðra kafla semja skólarnir sjálfir og mynda þeir hina eiginlegu viðbragðsáætlun hvers skóla.

Ábyrgð á áætlun þessari er í höndum Ragnhildar Ásgeirsdóttur, skólastjóra Barnaskólans í Reykjavík og öryggisráðs skólans en það skipa Andri Persson, Einar Ómarsson og Magnea Snorradóttir. Áætlunin verður endurskoðuð á a.m.k. fimm ára fresti, en yfirfarin árlega t.d. hvað varðar boðleiðir, gátlista og starfssvæði skóla. Ef miklar breytingar verða á starfsemi skólans verður áætlunin þegar í stað endurskoðuð.

Áætlunin verður kynnt fyrir starfsmönnum skólans, nemendum og forráðamönnum ólögráða nemenda. Hún er aðgengileg á vefsíðu skólans: http://bskrvk.hjalli.is/ og í prentuðu formi á skrifstofu skólastjóra.

Áætlun þessi tekur þegar gildi. Reykjavík, 12. mars 2020

Ragnhildur Ásgeirsdóttir,
Barnaskólinn í Reykjavík

Hér er hægt að nálgast áætlunina:

Viðbragðsáætlun Barnaskólans í Reykjavík


© 2016 - Karellen