Á hverju vori fara öll börn í Barnaskólanum í vorferðir. Þessar ferðir hafa verið einstaklega vel heppnaðar, lærdómsríkar og skemmtilegar bæði fyrir nemendur og kennara.
Á morgun leggur hópurinn af stað og gist verður í tvær nætur á völdum stöðum.
5 ára börnin fara í Vatnaskóg, þar sem bíður þeirra spennandi dagskrá.
6 ára börn fara á slóðir Egils Skallagrímssonar og dvelja í Ölveri.
7 ára börn fara á Njáluslóðir og gista á Hellishólum í Fljótshlíð.
8 ára börn verða á Laxdæluslóðum á Laugum í Sælingsdal.
9 ára börn verða á slóðum Bárðar Snæfellsáss og gista á Arnarstapa.
Þetta verður mikið ævintýri og tilhlökkun er í lofti.